“Kanningararbeiðið at kanna oljulekar í Niger Delta er miseydnað. Størri dentur verður lagdur á at blaka ákærur eftir hvør øðrum, heldur enn at staðfesta, at meginparturin av oljukervinum er gamalt, illa viðlíkahildið og í stórum vanda fyri at leka, og summir lekar hava vanlukkuligar avleiðingar fyri íbúgvarnar í økinum”, sigur Audrey Gaughran, leiðari fyri altjóða viðurskifti hjá Amnesty International.

Óansæð hvussu avdúkandi skjalprógv um oljudálking verður lagt fram fyri Shell, vísa tey seg áhaldandi at goyma seg handan burturforkláringar um, at talan er um uppreistrarbólkar, sum fremja herverk. Amnesty vil vera við, at dálkingin m.a.fer fram vegna manglandi ábøtur og vánaligt viðlíkahald av kaðalum, sum sambært lokalum NGO felagsskapum, eru frá 1958. Amnesty International hevur biðið Shell váttað, nær kaðalarnir eru frá, og í hvørjum standi teir eru í, men hesum umbønum hevur Shell valt ikki at svara uppá.

3. august almannakunngjørdu Amnesty International og CEHRD ein frágreiðing um støðuna í Niger Delta. 

Frágreiðingin,  Another Bodo Oil Spill, Another Flawed Oil Spill Investigation In The Niger Delta, sæst her PDF