Amnesty skipar fyri skeiðum í mannarættindum 2011

Í 2010 settu fleiri enn 1000 næmingar mannarættindi á tímatalvuna. Hartil vóru 26 lærarar á skeiði um, hvussu mannarættindi kunnu gerast partur av núverandi undirvísing í øllum fakum.

Vit hava fingið sera nógvar positivar afturmeldingar frá hesum skeiðum. Tað serliga við hesum skeiðum er, at næmingarnir og skeiðsluttakarar verða tiknir við og gerast partur av einum sínamillum spæli, ið skal geva luttakarunum eina uppliving av mannarættindum og mannarættindabrotum.

Amnesty hevur aftur í ár valt at bjóða út hesi skeið:
Fyrst verða lærarar bodnir á skeið, har vit tosa um, hvussu mannarættindi kunnu
nýtast í undirvísingini.
Í oktober og november er Mannarættindarúmið opið fyri øllum skúlaflokkum í landinum, har næmingar læra um
mannarættindi og uppliva mannarættindabrot á egnan krop.

Undirvísingartilfar:
Í ár verður eisini møguligt at fáa at gongd til føroyskt undirvísingartilfar um mannarættindi, ið kann brúkast í undirvísingini.

Meldið til við at ringja ella skriva til okkum á: amnesty@amnesty.fo ella tel: 315816/235817

"At brúka mannarættindi
í undirvísingini"

Stað: Mannarættindarúmið á Kongabrúnni
Ókeypis: Tilmeldinarfreist 10. september
(avmarkað atgongd) 
Málbólkur: Fólkaskúla– og miðnámskúlalærarar
og læraraskúlanæmingar 

TÍÐ:
26. september kl. 09.00-15.00 (fólkaskúlalærarar)
27. september kl. 09.00-15.00 (miðnámsskúlalærarar)

UM SKEIÐIÐ:
Skeiðið er ætlað øllum føroyskum lærarum (fólkaskúla og miðnámskúla).
Danska deild hjá Amnesty hevur royndir við at skipa fyri mannarættindaskeiðum fyri lærarum.
Hesir undirvísarar koma til Føroyar at geva føroyskum
lærarum íblástur til, hvussu mannarættindi kunnu brúkast
sum partur av undirvísingini.

Skeiðið er ætlað øllum fakbólkum.

Les nærri lýsing av skeiðnum her

"Hvat eru mannarættindi?"

Stað: Mannarættindarúmið á Kongabrúnni
Ókeypis
Málbólkur: Fólkaskúlanæmingar og miðnámsskúlanæmingar


OPIÐ Í HESUM TÍÐARSKEIÐI:
1. oktober til 10. november 2011
Skeiðið er 2 tímar 
Tíðspunkt á degnum verður ásett sambært avtalu (helst fyrrapart)

UM SKEIÐIÐ:
Skeiðið er ætlað øllum skúlanæmingum kring landið
(serliga framhaldsdeild og miðnámskúlar).

Endamálið er, at næmingarnir uppliva mannarættindabrot á egnan kropp. 

Um tit hava serlig ynski um innihald, ber til at leggja hetta til rættis.

Vit gleða okkum at síggja tykkum!