Altjóða samfelagið má krevja, at Medvedev tekur ábyrgd

29. apríl 2010


Á landsfundi hjá Amnesty Interational Danmark var Føroya deild um vikuskiftið við til at undirskriva opið bræv til danska forsætisráðharran Lars Løkke Rasmussen í samband við, at russiski forsetin Dimitrij Medvedev fyri fyrstu ferð vitjaði í Danmark 27. og 28. apríl.

Í opnum brævi understrikar Amnesty vegna teir 500 luttakararnar, ið vórðu møttir á landsfundinum, yvirfyri forsætisráðharranum, at altjóða samfelag má krevja, at Russland tekur ábyrgd av teimum mannarættindabrotum, ið fara fram í Russlandi.

Amnesty uppfordrar Lars Løkke Rasmussen til at taka álvarsom evni um mannarættindi upp við forsetan, og síðani at leggja fram úrslitini av hesum orðaskifti á almennum tíðindafundi.

Amnesty hevur við fleiri frágreiðingum dokumenterað, at minnilutar og fólk, ið seta spurning við skipanina, eru fyri grovari diskriminatión, píning og grovum hóttanum í Russlandi, hartil er tælufrælsið og rætturin til at taka seg saman í felagsskapir á skipaðan hátt kúgað.
 

Hesi eru nøkur av økjunum, ið landsfundurin hjá Amnesty uppfordraði Lars Løkke Rasmussen at taka upp við russiska forsetan.