4 ár eftir at Amnesty International hevði sæð dagsins ljós í London í 1961, varð tann føroyska deildin stovnsett. 

Amnesty International Føroya Deild er ein av elstu deildunum innan Amnesty International. Nógv er broytt hesi árini, og hevur hetta sjálvandi havt sína avgerandi ávirkan á arbeiðið hjá Amnesty International. 

Limatalið í føroysku deildini hevur altíð verið stórt. Eftir at hava havt fallandi limatal í nøkur ár, kom vend av álvara í á sumri 2005. Við einum sera væleydnaðum tiltakið, sum verður kallað Andlit til Andlits eydnaðist tað at tvífalda limatalið. Á sumrið 2006 og 2008 var roynt aftur við góðum úrsliti. Samlaða lima- og stuðulstalið er nú gott 1600. Av hesum er størsti parturin stuðulslimir, sum rinda eina fasta upphædd hvønn mánað. Fleiri fakfeløg eru stuðulslimir og nakrar fyritøkur stuðla arbeiðinum fíggjarliga ella á annan hátt.