Tak lut!
Stuðlað stríðnum móti deyðarevsing og skriva undir áheitanina hjá WCADP, sum verður send til afrikonsku ríkisleiðarnar og ríkismyndugleikarnar.
| Fleiri afrikonsk lond hava longu avtikið deyðarevsing. Av teimum 53 londunum í Afriku hava 12 lond heilt avtikið deyðarevsing. Senegal avtók til dømis deyðarevsing í 2004, Cote d’lvoire í 2000, Suður Afrika í 1997 og Angola í 1992. Lond sum Mali, Algeria, Niger og Zambia teljast millum tey 14 londini, sum ikki hava framt nakra avrætting seinastu 10 árini, hóast tey formliga ikki hava avtikið deyðarevsing. Tað eru sostatt helmingurin, 27 afrikonsk lond, sum enn fremja avrættingar.
Amnesty International og WCADP eru av tí fatan, at deyðarevsing er ein grim, ómenniskjalig og niðurgerandi revsing og heitir tí við hesum átaki á ríkisleiðarar og myndugleikar í Afriku um at avtaka hesa praksis alt fyri eitt. |
|
WCADP heitir í brævinum á ríkisleiðarnar og ríkismyndugleikarnar í Afrika um at avtaka deyðarevsing og at ógilda verandi deyðadómar. WCADP krevur somuleiðis at:
- Deyðarevsing verður avtikin í nationalu lóggávuni
- At “Second Optional Protocol” í Altjóða Seminginum um Sivil og Politisk rættindi verður sett í gildi
- Afrikanska Samveldi og Sameindu Tjóðir stuðla ætlanini
Tak brævið niður her
Tak brævið niður og prenta tað út. Tær nýtist ikki at upplýsa telefon nummar ella teldupost adressu. Tú kanst velja bert at skriva navn, land og gjarna eisini bústað undir. Minst til undirskrift høgru megin. Um tú prentar báðar síðurnar út, er pláss fyri seks undirskriftum. Spyr gjarna vinir, familju og arbeiðsfelagaðar, um tey eisini vilja skriva undir.
Vinarliga send undirskriftinar til WCADP ella til Amnesty International Føroya Deild áðrenn 20. oktober 2005.
| World Coalition against Death Penalty ECPM 5 rue Primatice 75013 Paris France |
Amnesty International Føroya Deild Tinghúsvegur 18, 4. hædd Postrúm 1075 110 Tórshavn |
|
|
 |